دينا الجزء الرابع. والأخير

حطت سلمي اسماء علي فراشها ورفعت عليها الغطاء… دخل اشرف الغرفه ونظر لها بحب ثم اقترب منها وقال: مش الدكتور قالك ترتاحي و متعمليش اي مجهود خصوصا اول كام شهر

نظرت له بحب وقالت:اطمن حبيبي انا كويسه متشغلش بالك

نظر اشرف لـ اسماء بحزن وقال: هتسامحني لما تكبر…. هتسامحني اني بعدتها عن امها

امسكت يده بحب وقالت: اكيد خصوصا بعد ما تعرف اللي عملته عبير فيها…… انا بجد مبسوطه و فخوره فيك بعد ما اتأكدت انها مش بنتك ومع ذالك موافقتش تسيبها وفضلت مخليها معاك

نظر إلى السماء بحزن شديد وقال: هيا اه مش بنتي جينيا…. بس الاب اللي مخلفش وبس… الاب اللي ربي وكبر وعلم….. واسماء بالنسبالي بنتي وهتفضل بنتي

حض\نته وقالت بابتسامة وحب: انت احلي اب في الدنيا كلها….. ابننا هيكون فخور بيك

بادلها الحض\ن قائلا بابتسامة: انا اللي مبسوط وفخور بجودكم معايا… ربنا يخليكم ليا وميحرمنيش منكم ابدا يارب

………….

شربات بشده: انتي ازاي قلبك قاسي كدا

تنهد جاسر بضيق وقال: قولتلك للمره المليون مش عايز اسمع سيرته

شربات بغضب وانفعال: بقولك في المستشفى وبيمووت

نظر لها بجمود وقال: هوا ميت من سنين

اقتربت منه وقالت بحزن و رجاء: عشان خاطري… عشان خاطري يا جاسر روح شوفه كلمه….. سامحه…. امنتيه الاخيره انه يشوفك ويتكلم معاك…. عشان خاطري يا جاسر…. طيب عشان خاطر خالتي هيا اكيد حاسه بيه وعارفه انه اللي عمله كان غصب عنه….. ارجوك يا جاسر عشاني وعشان خالتي وعشانك وعشانه سامحه

نظر لها قليلا بضيق ثم ترك الغرفه بل القصر بأكمله وغادر… نظرت الي طيفه بحزن وهيا تدعي ربها ان يحنن قلبه عليه

كان هشام بإحدي غرف المستشفى نائم علي فراشه وملامحه متعبه جدا وكانه يصراع المـ,ـوت

شعر بوجوده بجانبه ابتسم دون ان يفتح عينيه… ثم فتح عينيه ونظر الي جاسر الذي يقف بجانبه وينظر له بوجه خالي من التعابير

هشام بابتسامة وتعب شديد: كنت حاسس انك هاتيجي

جاسر ببرود: عايز تقولي ايه… اوعي تفكر اني جتلك هنا عشان اسامحك… لا خالص جيت
بس عشان محسش بالذنب لو جرالك حاجه مبقاش انا السبب

ابتسم هشام بحزن ثم قال: عايز اقولك علي كل حاجه

ثم بدأ يحكي هشام لإبنه عن كل شيء حدث معه طوال الـ 20 سنه الماضيه وكان يتحدث بصعوبه وتعب شديد

كان جاسر ينظر له ببرود وكأنه غير متأثر بأي حرف يقوله هشام له

انهي هشام كلامه بحزن شديد ودموع تملئ عينيه: عايزك تعرف ان كل اللي حصل ده كان غصب عني… مكنش الموضوع بإيدي يبني والله

نظر جاسم له للحظات ثم قال: انا كدا عملت واجبي…. لازم امشي

ثم تركه وغادر دون ان يقول اي شئ…. بكي هشام في صمت بقهر ووجع شديد….

ذهب ووقف جاسر بسيارته في مكان هادي نزل من سيارته وهوا يشعر بضيق صدره… نظر للسماء وهوا يتنهد تنهيده عميقه متعبه ويفكر في كلام والده….. هل يقول الحقيقه ام يكذب عليه من اجل ان يسامحه…… لكن ماذا لو كان محق وكل ما حصل كان إجباري عنه…. ماذا يفعل هل يسامحه هل يعطيه فرصه ام ماذا يفعل بالضبط

عاد الي والده بعد تفكير منه نظر له هشام بتعب وابتسم قائلا: رجعت

اقترب منه ونظر له للحظات ثم قال: انت مبتكدبش عليا

هشام بتعب: تفتكر واحد في مكاني والمـ,ـوت بيقرب منه هيكدب ولا هيقول الحقيقه

نظر جاسر بعيدا ثم عاد ونظر له قائلا: مسامحك يـــا بابا

نظر هشام له بفرحه وكأن صحته عادت له وقال بابتسامة وسعاده: بجد….. بجد يبني سامحتني

هز رأسه والدموع في عينيه…. ثم حض\ن والده بحزن شديد وإشتياق لذالك الحض\ن الذي حرم منه من سنوات طويله

………

فضلت عبير تدور علي بنتها في كل وفي كل الشوارع… لدرجة انها اتجننت من كتر بحثها عنها ومش لقياها…. راحت علي بيت اشرف يمكن تكون معاه بس انصدمت لما لقت ناس غريبه ساكنه في فيلة اشرف سألت عنه واللي صدمه انه باع الفيلا وسافر

اتعصبت جامد وبتصرخ وبتنادم علي اشرف وبنتها بس من غير فايده… قعدت على الارض وهيا بتعيط جامد

في النهاية خسرت جوزها بيتها…. بنتها والشخص اللي حبته…. خسرت كل حاجه

………..

بعد ثلاث سنوات

جري هشام في القصر ورا طفل صغير وهوا بينهج جامد…. قعد علي الكنبه وقال وهوا بينهج: خلاص كفايا

وقف الصغير امامه وهوا يضحك ثم قال: ايه يا جدو تعبت

هز رأسه وقال: اه جدك مبقاش فيه صحه زي زمان

جاءت شربات وجلست معهم ونظرت الي ابنها وقالت بابتسامة: خلاص يا عبد الرحمن سيب جدا يرتاح شويه… روح انت العب في اوضتك

هز رأسه وقال: طيب بس شويه وهرجع نكمل لعب مع بعض

هشام بابتسامة: حاضر

ثم تركهم وصعد علي غرفته….. دخل جاسر القصر وهوا يتحدث في الهاتف مع اشرف فيديو

جاسر بابتسامة: الجو عامل ايه عندك دلوقتي

اشرف بابتسامة: لا الجو هنا برد اوي… مصر وحشتني اوي

جاسر بابتسامة: وانتو كمان وحشتوها…. زين عامل ايه

ضحك اشرف وقال: مطلع عين امه والله… بس اسماء بتساعدها وبتخفف الحمل عنها شويه

ضحك جاسر وقال: ربنا يخليهوملك

اشرف بابتسامة: يارب…. هقفل دلوقتي و اكلمك بعدين

جاسر بابتسامة: ماشي مع السلامه

ثم انهي المكالمه وجلس بجانب شربات نظرت له بابتسامة وقالت: اشرف

هز رأسه وقال: اه هوا بيسلم عليكي هوا و سلمي.

ثم نظر حوله وقال: عبد الرحمن فين

شربات: في اوضته… تعب جدو عماه

ضحك هشام وقام وقال: يتعبني وانا راضي…. انا هطلع له

ثم تركهم وصعد الي غرفة عبد الرحمن… نظرت شربات الي جاسر بابتسامة وقالت: انتي عارف انا مبسوطه ان كل حاجه في حياتنا حلوه… بجودك معانا وجنبنا… مش عايزه قصتنا تنتهي

حض\نها وقال بابتسامة وحب: طول محنا مع بعض ومفيش حاجه هتفرقنا هتفضل قصتنا مستمره لان قصتنا قصه لا تنتهي

تمت الحمدلله

قصة_لا_تنتهي

عايزه اعرف رأيكم في القصه كامله… رأيكم في الشخصيات ونهاية كل واحد فيهم…. اللي الحدث اللي حبتوه ومش هتنسوه واللي الحدث اللي كرهتوه وبرضوا مش هتنسوه

القصه كانت احداثها طويله جدا بس انا اختصرت الاحداث لسببين اول سبب ان رمضان خلاص ان شاء الله بكره رمضان كريم عليكم وعلي كل احبابكم… طبعا الواحد في رمضان بيحب يخصص وقته كله في العباده والذكر فـ موضوع الكتابه في رمضان صعب…. السبب التاني ان معظمنا وانا منهم مش هيقرأ روايات في رمضان عشان كده حبيت اخلصها دلوقتي….. بشكركم علي دعمكم وعلي كل واحد كتبلي كلمه حلوه زيه