علياء بطرس الجزء الثاني

واخذت تنظر الى جوانب جدها فلم تجد شئ

ضحك جدها عليها

هتلاقيها على طاولة السفرة

اسرعت ملاك لهناك واذ بها تجد هاتفا من احدث طراز

عادت لجدها وهي فاغرة فمها وجاحظه عيناها

ده ليا يا جدو بس ده غالي اوي جبت ثمنه منين

ده مش مني ده من مستر امجد هدية ليكي عشان

ادتيه فكرة للمشروع وعجبت المستثمرين

قفزت ملاك بفرح وهي محتضنه علبة الهاتف

انا هروح اشغله واحط الخط بتاعي فيه

ثم ذهبت مسرعة لغرفتها ولكنها عندما فتحته ازدادت دهشتها من جماله

ادمعت عيناها بفرح وما ان فتحته حتى وجدت صورة لها خلفية للهاتف وهي تبتسم تذكرت هذه الصورة فهذه في مكتب امجد شغلت الهاتف وكانت تعبث به حتى جاءتها رسالة من ادهم

ها عجبك الموبايل

شهقت ملاك وردت عليه برسالة مماثلة

هو الموبايل منك مش من مستر امجد

لأ مني انا قلت لامجد يقول لجدك الي قاله عشان اضمن انه يوصلك ها عجبك

قبل ان تجيب كان يتصل بها

ردت عليه بصوتها الناعم

مرسي على الموبايل

عفوا بس يارب يكون عاجبك

ده تحفة يجنن يا ادهم بس ليه ده بالذات وعرفت اني بحب الذهبي منين

ده بالذات عشان امبارح واحنا فالمطعم قولتيلي موبايك حلو وعرفت منين انك بتحبي اللون الذهبي اسف مش هقدر اقول عشان دي مصادري الخاصة مينفعش اكشف عنها

بس ده غالي اوي انتا عارف سعره كام ده

ضحك ادهم عليها فيبدو انها لا تعلم حجم ثروته

لأ مش عارف سعره كام

ده يجي بتاع ٢٥٠٠٠ جنيه

لو كان بمليون جنيه هجيبلك اي حاجة عاجباكي ثم اكمل ها عليكي جامعة بكرة

عندي جامعة بس

بس ايه قولي مش اتفقنا مش هتخبي حاجة عليا بعد كده

اصل خاېفة اقابل جاسر

اولا اسمه ميجيش على لسانك لا هو ولا اي راجل تاني وثانيا هو اصلا قدامه شهرين لحد ما يعرف يقف على رجليه من الي اتعمل فيه ماتخفيش

ربنا يخليك ليا

قالتها بخجل وصوت خاڤت

اجابها ادهم بخبث

كده حاف

اجابته ببراء غير مصطنعة

قلي عاوزني اعملك ايه وانا اعمل

اكمل ادهم بخبث

الي انا عاوزه مينفعش الا لما نتجوز بس تقدري تديني تصبيرة كده اسلك نفسي بيها

عقدت حاجبيها بدهشة

تصبيرة ازاي مش فاهمة

استشف ادهم من الحديث معها انها خام اكثر من اللازم ويجب ان يعلمها كل شئ وما اجمل تعليم هذه الاشياء بالنسبه له وخاصة لهذه الصغيرة اكمل قائلا

لما نتقابل هبقى

اقلك التصبيرة ازاي ودلوقتي روحي نامي عندك جامعة الصبح واي حاجة تحصل بلغيني بيها فورا اتفقنا

اتفقنا تصبح على خير

بعد يومين

ذهبت ملاك الى جامعتها

ارتدت جاكيت ابيض وبنطال جينز ازرق وبوت رياضي اسود

انهت محاضراتها واتجهت للخارج فاليوم ستذهب للشركة لرؤية ادهم وبعد قرابة النصف ساعة

دلفت ملاك للشركة وصعدت للطابق الاخير كادت ان تتوجه لادهم ولكن تذكرت وجود سكرتيرته سالي المتعجرفة نظرت في ساعة يدها فوجدت انه اقترب موعد استراحة الغداء اذا ستذهب لمها ثم لادهم

دخلت لمكتب مها فوجدتها مندمجة بعملها ولم تنتبه لدخول ملاك تقدمت منها بهدوء حتى لا تشعر بها

ثم قالت بصوت عالي

مها

شهقت مها ووضعت يدها على قلبها

ېخرب بيتك خضتيني منك لله يا ملاك يا بنت عم حسن اشوف فيكي يوم

ضحكت ملاك حتى ادمعت عيناها فمظهر مها وهي مذعورة مضحك جدا

بعد ان هدأت مها

ايه الي جابك يا قردة

القردة جاية تتطمن عليكي

ضيقت مها عيناها بمعنى عدم التصديق

جاية تتطمني عليا ولا على سي ادهم بتاعك

عضت ملاك شفتيها وقد اصطبغ وجهها بحمرة قانية

لأ جاية عشان سي ادهم بتاعي

ها اي اخباركم مع بعض

قالت ملاك بابتسامة حالمة

زي السمنة على العسل مكنتش اعرف اني بحبه اوي كده

الله يسهلو وبتتكلموا

هزت ملاك رأسها بالايجاب

بس ما يعرفش اني جاية النهاردة عاملهالو مفاجئة

هو انتي روحتيلو ولا لسه

لأ لسه على بريك الغداء عشان مش عاوزة السكرتيرة المعفنة الي عنده تشوفني

والنبي يا ملاك اطلبي من مستر ادهم انه يطردها او ينقلها انا اشوف العمى ولا اشوفها يا باي على تقل ډمها

جعدت ملاك وجهها بطريقة محببة

يعني انا لما اطلب منه يطردها هيطردها

ايوه يختي لما تتدلعي وتتمحكي هيقول حاضر وهو مش واخد باله

ازاي يعني مش فاهمة

يعني دلوقتي لما تروحيلو اعمليلك حركتين يعني مثلا حطي ايديك العسل دي على كتفه وبصيله بطريقة كده حححححح ولا العبي فزراير القميص بتاعه

يا لهوي اوعي تعملي الحركة دي احسن مستر ادهم ميضمنش تدخلي انسة تخرجي مدام وحامل

شهقت ملاك بخجل امسكت بعض الاقلام الموجودة على الطاولة بجوارها وقذفتها نحو مها

مكنتش اعرف انك قليلة الادب كده

الجواز يا ختي بخلي المؤدب منحرف

المهم جه معاد البريك هتروحي دلوقتي

ايوه بس تروح العقربة السكرتيرة

وبعد قليل في مكتب ادهم كان خالع جاكيت البدلة وربطة اعنق و تارك اول ثلاث ازرار من قميصه مفتوحه ويولي ظهره للباب وېدخن من سېجاره الفاخر ويراجع ملف ازرق اللون في يده

سمع طرقات خفيفة على بابه عقد حاجبيه فسالي ذهبت لتناول الغذاء وامجد ليس من عادته ان يطرق الباب اذن للطارق بالدخول وبقي على حاله ولم يلتفت للباب عندما فتح وقفت ملاك قرابة مكتبه تنتظره يستدير عضت شفتيها بتوتر

انتظر ادهم تحدث الضيف ولكن طال انتظاره وما ان استدار حتى اتسعت ابتسامته فهو كان يتمنى رؤيتها

جلست على الكرسي واخفضت رأسها خجلا قهقه ادهم على خجلها المحبب بالنسبة له

لو هتفضلي حمرا كدا انا مش ضامن نفسي

ثم اكمل

ايه المفاجئة الحلوة دي

تنحنحت ملاك بخفوت تبحث عن صوتها

قلت اجاي اشوفك لو مش فاضي انا ممكن اجي فوقت تاني

انا لو عندي اجتماع مع رئيس الدولة هلغيه عشان خاطر عيونك

وقف متجها لسماعة الهاتف

تحبي تاكلي ايه

لأ مرسي انا كلت فالجامعة مش جعانة لو انتا هتاكل اطلب لنفسك متعملش حسابي

ارجع ادهم السماعة مكانها ثم اتجه للثلاجة الموجودة باحد اركان مكتبه وجذب زجاجتان من

عصير البرتقال فاصبحت ثلاجته لا

يوجد بها سوى عصير برتقال

جلس بالقرب منها وفتح لها زجاجة العصير ارتشفت ملاك منه القليل تحت نظرات ادهم المتفحصة

بتبصلي كده ليه

اقترب منها لحد كبير حتى اصبح لا يفصل بينهم سوى انشات

معجب في حاجة

كاد ان يغمى عليها من فرط التوتر فقربه لهذه الدرجة ورائحته لا تساعدها على التماسك وضعت يدها مكان قلبها لتهدئته

حتى انفتح الباب على مصرعيه

يا ترى مين الي فتح الباب

يتبع…♥️

الحلقة الثامنة

انفتح الباب على مصرعيه

طلت منه داليا بثوبها القصير الازرق ذو فتحة تحمل بيدها صندوق واضح انه يحوي طعام من احد اشهر المطاعم

ادهم حبيبي انا جبتلك اكل معايا عارفاك مش بتاكل

بترت باقي جملتها فور ملاحظتها لوجود فتاة كان

تقدمت منهم وهي ترمق ملاك بنظرات متفحصة حاقدة انتصب ادهم واقفا واضعا يديه في جيب بنطاله يرمق داليا پحقد دفين

اندفعت داليا ادهم تحت نظرات ملاك

ادهومي حبيبي ازيك جبتلك اكل معايا

عارفاك مش بتاكل فالبريك

ازاح ادهم

وقبل ان يجيبها سألت بعجرفة مشيرة لملاك بطرف اصبعها كعلامة تقزز

مين الامورة دي

ابتسمت لها ملاك باقتضاب ومدت لها يدها

لتصافحها

انا ملاك

تجاهلت داليا يد ملاك الممدودة

واجابتها بتعالي قاصدة اغاضتها

انا داليا زهران خطيبة ادهم

نظرت ملاك لادهم فوجدته ينظر لداليا وتعابير وجهه خالية وكانه يؤيد كلامها

امسكت ملاك حقيبتها وخرجت مسرعة

وعيناها تفيض بالدموع اتجهت لمكتب مها وجدتها تصل لتو من الاستراحة احتضنتها مها

مالك يا حبيبتي بټعيطي ليه ايه الي حصل

لم تتلقى منها اجابة سوى النحيب

ربتت على ظهرها بحنان متمتمة ببعض الكلمات المهدئة والمطمئنة وبعد بعض الوقت هدأت ملاك قليلا

ناولتها مها كوب ماء ارتشفت منه قليلا

ها قوليلي ايه الي حصل

انخرطت ملاك بنوبة بكاء جديدة

قائلة بصوت متقطع اثر نحيبها

ادهم ….. مش…… بيحبني …. خاطب…..وحدة……

تانية …..شفتها …..وهي ……..قدامي..

قضبت مها حاجبيها فعلى حد علمها ادهم لم يكن في يوما على علاقة رسمية بفتاة

خطيبته مين دي

قالت ملاك پبكاء

اسمها …. داليا ….كانت …جاياله …المكتب

ضحكت مها بشدة على ملاك فالواضح ان داليا استطاعت الضحاك عليها

قوست ملاك شفتيها كالاطفال

قائلة بعتاب

يعني انا جاية اشكيلك تقومي تضحكي عليا

وهمت ان تذهب امسكت مها بيدها واجلستها عنوه على الكرسي

يا عبيطة وانتي صدقتي الكلام ده دي بتقول الكلمتين دول في كل مكان اصلا مستر ادهم ما بيكرهش حد فحياته قدها هي وامها هي بس لما شافتك حلوة وزي القمر وقاعدة مع مستر ادهم الغيرة كلتها وقالت الكلمتين دول عشان تغيظك

سألتها ملاك وقد هدأ نحيلها بعض الشئ بعد كلام مها

طب ليه هو فضل ساكت وما حولش يوضحلي ده فضل باصصلها ومتكلمش

وهو اصلا زهق من كدبتها دي الي فكل مكان تقولها

واكيد هو هيقولك على كل حاجة تلاقيه خلاكي تخرجي ومسك فزمارة رقبتها اصبري بس انتي

طيب ليه هيا بتكدب وبتقول انهم مخطوبين طالما مفيش حاجة بينهم

هو انتي هبلة ولا شكلك كده هو انتي عاوزاها تفرط فالعز ده كلو دي لو اتجوزت مستر ادهم هيكون تحت ايدها ماكنة فلوس تصرف منها وما تخلصش

مطت ملاك شفتيها بيأس فيبدو انها لن تهنأ بحياتها مع ادهم

في مكتب ادهم وما ان خرجت ملاك حتى هب ادهم وامسك ضاغطا عليه الذي جعلها تصرخ من الالم وهتف من بين اسنانه وضاغطا على فكيه

ايه الي انتي قولتيه من شوية ده هو انا خطبتك وانا مش واخد بالي

قالت بصوت حاولت ان تجعله طبيعيا فمظهره وهو غاضب مرعب

هو….هو… مش احنا لما كنا صغيرين خالو سليم قالك لما تكبر تتجوزني وانتا كبرت وما غيرتش رأيك يبقى فضلنا مخطوبين

زاد ادهم من ضغطه على يدها حتى استمع لصوت طقطقة عظامها

الكلام ده من 20سنة وانا عيل وبعدين بابا الي هو خالك قالي لما تكبرو لو حبتو بعض اتجوزو بس انتي مش من النوع الي يتحب لا انتي ولا امك فريال هانم وبعدين انا عندي اعيش عمري كله عازب اعيش راهب ولا اتجوز وادي اسمي لوحدة زيك فاهمة

نظرت له داليا پغضب وقالت پهستيريا

مالي فيا ايه مش عاجبك وعلى الاقل احسن من الجربوعة الي كانت قاعدة ….اااه

صړخت بها ادهم ثم امسكها من خصلات شعرها الشقراء وقال بصوت اشبه بفحيح الافاعي بجانب اذنها

كلمة تانية عليها مش هيبقى عندك لسان تتكلمي بيه ورحمة امي لو عرفت انك قربتي منها لكون ماسحك من على وش الارض غوري

قال الاخيرة ودفعها لتقع على الاريكة المجاورة

وقفت وامسكت حقيبتها وخرجت وهي تتوعد لملاك

اخرج ادهم هاتفه من جيب بنطاله ليهاتف مساعده شريف ثواني واتاه صوته

شريف .. اسمع الي هقوله ونفذه بالحرف

هاتفه والقاه على طاولة المكتب ضړب مقدمه رأسه وكأنه نسي شئ عاود وامسك بهاتفه ليفتح كاميرا المراقبة ليشاهد اين ذهبت بعدما خرجت من مكتبه فوجدها جالسة على مكتب مها دس هاتفه في جيب بنطاله واتجه لها

اقتحم مكتب مها وجذب ملاك من يدها دون اعطاءها مجال للاعتراض بقي يسوقها خلفه وكأنها مغيبة

دلف مكتبه تحت نظرات سالي المستغربة لما يحدث امام عيناها

اجلس ادهم ملاك على الكرسي وجلس قابلتها وعيناه تجوب تفاصيل وجهها الطفولي الواضح عليه البكاء دفعت ملاك يده بعيدا ابتسم ادهم على فعلتها فيبدو انها مازالت غاضبة

احاط وجهها الصغير بيديه

هو انتي لسا زعلانه منها ومن الي قالته

يعني عاوزني اعملك ايه اتحزم وارقص

قالتها ولم تقصد شئ مما الذي دار في عقل ذاك الماكر الذي يقف امامها

قال بخبث

ياريت ده يوم المنى الي تتحزمي وترقصيلي

هو انتا بجد عاوز تخطبها

قالت جملتها بصوت اقرب للبكاء

انا لو عاوز اخطب واتجوز مش هتجوز غيرك وبعدين انتي الي على طول جريتي كنتي استني وشوفي ايه الي حصل

نظرت له بعدم تصديق

هيكون حصل ايه يعني زعقتلها اشويه

هي دي غيرة ولا انا غلطان

اجابته ملاك بخجل

هو انتا مش قولتلي اني ملكك وليك لوحدك يبقى انت كمان ملكي وليا لوحدي

ابتسم

فعلا انا ليكي لوحدك

قام واتجه ليجلب اللابتوب الخاص به وشغل شريط سجل كاميرا مكتبه ليريها

صعقټ ملاك مما رأت فلم تتوقع ان يقوم

داليا هكذا ثم نظرت له بتوجس وقالت

بصوت خاڤت

هو.. انتا ..ممكن تمد ايدك عليا فيوم من الايام

هو ينظر لعيناها الجميلة

ولا اقلك بعدين تعرفي احسن

تنحنح ليكمل بشكل جاد

ها اتكلمتي مع جدك

اخفضت ملاك رأسها فهي متخوفة من هذه المواجه

لأ…اااقصد يعني …هكلمه النهاردة بالليل

هز ادهم رأسه متفهما

مينفعش….. الي …انتا …..بتعمله مش كل اشويه …تعمل كده ….

هو ايه الي مينفعش الي بعمله كل اشويه

قالت بتعلثم فقربه يشتتها

انك….. تفضل ….تقرب كده …وتحاول ..

بترت جملتها فور ادراكها ماكانت ستقوله

هو يعني لما خطيبتي فيها حاجة

اخفضت ملاك جسدها قليلا لتهرب من حصاره من تحت يده المستندة على الحائط ثم قالت بشجاعة مزيفة

انا مش خطيبتك

ما انا قولتلك اجي اطلبك من جدك بس انتي الي بتأجلي مش عارف ليه

هو يعني عشان بقولك استنى اشويه خلاص بقيت انا الي مش عاوزة وبعدين حتى لو اتخطبنا مينفعش

قالت الاخيرة بخجل

طيب حاضر هحاول امسك نفسي لحد ما نتجوز

امسكت ملاك حقيبتها

انا لازم امشي اتأخرت على تيتة انا قلتلها اني هاجي هسلم على مها وامشي على طول اتأخرت

تأفف ادهم فهو لا يريدها ان تذهب ثم سأل بخبث

هو انتي جيتي عشان ومها وبس

ارفق جملته بغمزة مشاكسة

ارتبكت ملاك وانعقد لسانها ولم تستطع ان تجيبه

ففرت هاربة من نظراته الخبيثة وخرجت من الشركة بعدة قرابة النصف ساعة وصلت لبيتها وقبل ان تفتح باب منزلها انفتح باب شقة جارتها ام عماد

منك لله يا ملاك خليتي ابني عاوز يهاجر ويطفش عاوزانا نسيب حتتنا والناس الي تربينا بينهم منك لله كله بسببك هنروح نعيش في غربة منك لله

عادت الى منزلها وهي تكرر دعوتها على ملاك

دلفت ملاك الى شقتهم وهي مازالت مصډومة من هول ما سمعت هل جارها الاستاذ عماد قرر الهجرة بسبب رفضها الزواج منه وجدت جدتها تجلس على احد الكراسي القريبة تنظر لها بعتاب

ركعت ملاك على ركبتيها امام جدتها وقالت بدموع

والله يا تيتة ماكنتش اقصد ان ده يحصل انا مش عاوزة ده يحصل بسببي والنبي يا تيتة قولي حاجة متفضليش ساكتة

ربتت الحاجة فوزية على ظهر حفيدتها بحنان

متزعليش نفسك يا بنتي ده قسمة ونصيب بس انا خاېفة جدك يزعل منك لما يعرف

وقفت ملاك متصنمة وهي تتخيل موقف جدها فهي كانت مقررة ان تفاتحه اليوم بموضوع ادهم ولكن تأتي الرياح بما لاتشتهي السفن

دلفت لغرفتها وامسكت هاتفها

ادهم انا ما كنتش اقصد كده انا مش عاوزاهم يهاجرو بسببي

قالت جملتها بدموع وصل صوتها لادهم

اهدي وفهميني ايه الي حصل وانا هحاول احل كل حاجة

جارنا الاستاذ عماد عاوز ياخد مامته ويهاجر بسببي عشاني رفضت

اتجوزه

تأفف ادهم فيبدو انها تصدق كل شئ بسهولة

مين الي قالك الكلام ده

مامته قالتلي الكلام ده

طيب اهدي وانا هتصرف

اغلق معها واتصل باحد ما

ايوة يا شريف عاوزك تتصل بإلي اسمه عماد ده تخليه يروح بيت الحاج حسن ويقول لهم انه الشغل ده كان جايله قبل شهرين وكان فالفترة دي بفكر فاهمني وبلغني بإلي يحصل

مساء

دلف الحاج حسن لغرفة ملاك فهي رفضت تناول العشاء معهم

ها يا حبيبة جدو ليه مش راضية تاكلي

اااصلي مش جعانة يا جدو

ابتسم الحاج حسن على ابنته

هو انتي متعرفيش اني اعرفك لما تكدبي ..

ها قوللي مش راضية تحطي عينك فعين جدك ليه

بص انا هقلك على كل حاجة انا خفت انك تكون زعلت مني عشان الاستاذ عماد هاجر هو مامته خفت تلومني وتقول انه بسببي

اولا هو مهاجرش بسببك هو كان جايله عقد عمل فالكويت من شهرين وكان بفكر فالموضوع من قبل ما يتقدملك هو كلمني النهاردة وشرحلي كل حاجة ثانيا كل شئ قسمة ونصيب وانا مستحيل ازعل منك

نظرت له ملاك بتوتر متردة هل تخبره بقصتها مع ادهم ام تنتظر قليلا لاحظ جدها ذلك فسألها

في حاجة تانية عاوزة تقوليها

اه.. لأ.. مش دلوقتي يا جدو بعدين هبقى اقولك

جاهدت لتظهر صوتها طبيعيا

بعد قليلا

اتنبهت ملاك على اتصال ادهم

اجابته بصوتها الرقيق

مساء الخير

مساء العسل عاملة ايه

بخير الحمدلله

ايه حصل اتكلمتي مع جدك

تعلثمت ولم تستطيع الرد

خلاص بقى متتكلميش معاه انا هتكلم معاه واريحك

قالت بسرعة

لأ اوعى تعمل كده جدو ممكن يزعل مني

والله انا بقالي قد ايه بستنى انك تكلميه وانتي بتأجلي خلاص سيبي الموضوع عليا

ادهم عشان خاطري متعملش كده انتا مش فاهم حاجة

خلاص فهميني وقوليلي انتي

قالها بنفاذ صبر

ااااصل جدو لما روحت اتدرب في الشركة بتاعتك قالي مقربش من مكتبك او اقرب من مكان انتا فيه عشان كده مش عاوزاه يحس اني مش بسمع كلامه انا كل ما ببص في عنيه قلبي بيوجعني اني لسا بكدب عليه

وهو جدك قالك تبعدي عني ليه قالك الكلام ده

تمام انا هتصرف تصبحي على خير

كادت ان تتحدث ولكنها وجدته انهى المكالمة

يتبع…♥️

الحلقة التاسعة

تعبش نفسك

اه صحيح انا امبارح روحت النايت كلاب وسألت عليك قالولي انك بقالك فترة مش بتروح هو ادهم السيوفي اكتفى بالي فإيده ولا ايه قالها امجد وارفق جملته بغمزة مشاكسة

اه فعلا بقالي فترة مروحتش … ثم اكمل محاولا تغيير الموضع ..جهز نفسك للاجتماع ومتنساش تجيب ملف كومباوند الصحرواي عاوز اعرف ليه متسلمش للمشتري لغاية دلوقتي

في جامعة ملاك

نجدها تجلس في كافيه الجامعة تنتظر ميعاد المحاضرة الثانية وكانت تقرأ في كتاب ما وتكتب الملاحظات على ورقة وكانت ترتدي بلوزة بيضاء عليها جاكيت باللون الاسود وبنطال جينز ازرق

واثناء انشغالها بقراءتها شعرت باحد يسحب الكرسي الذي بجوارها ويجلس عليه وما ان رفعت رأسها لترى من هذا المزعج الذي اقتحم خصوصيتها دون اذنها حتى قضبت حاجبيها فرأت داليا التي جلست

خلعت داليا نظارتها الشمسية ذات الماركة العالمية